آخر الأعمال

عمرو سعد بعد غيابه عن دراما رمضان 2018: سأكشف كل التفاصيل قريباً

كشف الفنان عمرو سعد عن صدمته بعد خروج مسلسله “بركة” من ماراثون دراما رمضان 2018، بعد تراجع كل القنوات المتعاقدة على شراء حقوق البث عن إدراجه ضمن خطة رمضان، مؤكداً أنّه سيكشف كل التفاصيل قريباً خاصّة وأنّ المعلومات المتداولة عن أسباب الحجب مليئة بالشائعات.

ونشر عمرو عبر حسابه بموقع الفيس بوك صورة له من مسلسل “بركة” وهو يتعرض لإطلاق نيران من مسدس وعلّق عليها قائلاً: كنت اتمنى أني أكون معاكم بس الظاهر ان اتضرب عليا نار بس أنا عاوز أقول ان اللي بيحلم بعيش جوه قلوب الناس عمرة طويل جدا بيعيش ويلاطم الزمن بكل بلاويه وان مفتاح البقاء هو الإخلاص في العمل …والاستمرار للأفضل والأصدق.

عمرو سعد

 

أضاف: قررت أتكلم لان الإشاعات كتيرة علي المسلسل بتاعي والكل بيقول اَي كلام …وانا عمري ما تاجرت بمعاناة ولا اتكلمت عن نجاح ولا تباهيت بشهرة لأني مؤمن من يوم ما طلعت علي أفيش اول بطولة في فيلمي الاول من عشر سنين ان بطل الناس واحد منهم علشان كدة دعيت ربنا ما اتغيرش واظن ربنا استجاب علشان أفضل شايف من عيونكم وحاسس زيكم أنتم اهلي وعزوتي وناسي وقوتي ضد اَي حد ممكن يحاول يعطلني أو اَي فاشل مش فاهم أهمية اللي بيبني أو اَي أعمي مش شايف ان التأثير الحقيقي علي الارض هو اللي بيحرك المشاعر.

تابع قائلا: اللي يغير ويطور تفضل قيمته زي الذهب ومع الوقت يغلي ويفك زنقة ناس محتاجة ساعتها تتغير أو تفرح وتقول لأولادها كان في هنا ناس زمان عايشين …بني أدمين كان هدفهم ينورا للناس مش يتنورا من الناس …لان اللي بينفع الناس بيفضل في الارض ده ربنا اللي قال كده. قانون للحياة وحكم علي الاعمال …يارب أكون كده وانا بأحمد ربنا وباشكركم علي دعمكم الكبير …والمجهود الكبير اللي عملناه هايوصل هايوصل ان شاء الله ومعاه تكبر المحبة والاحترام والثقة المتبادلة اللي اتمني تدوم الي ان يقضي الله أمرا كان مفعولا.

يذكر أن مسلسل “بركة” من تأليف محمد الشواف، وإخراج محمد بركة، للمنتج تامر مرسى، بطولة عمرو سعد، هالة صدقي، كمال أبو رية، عايدة رياض، عمر زهران، أحمد حلاوة، مصطفى درويش وهنادي مهنى، وعمرو زهران، وأحمد جمال سعيد.

 

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق